Bidaia antolatzerakoan, Interneten bidez ikusi genuenaren arabera, Rajasthan ezagutzeko aukerarik hoberena kotxea alokatzea zen.
Kotxea alokatzerakoan ere txoferrarekin izatea komenigarria zela eta horretan hasi ginen Interneten bila. Guk ajentziarekin hemendik jarri ginen harremanetan eta prezioa ere adostu genuen. Eguneko 25€ inguru eskatu zizkiguten eta horretan gelditu ginen.
Delhira iritxi eta zain egon ondoren etorri ziren gure bila aeroportura ajentzikoek.
Hurrengo egunean goizean goiz abiatu ginen gure txoferrarekin Rajasthan ingurura. Tata Indigo bat zen gure kotxea.
Izugarrizko kilometro pila eta ordu pila bat pasa genituen bidean Jaisalmerrera iristeko. Benetan oso astuna izan zen, hobe da bi zatitan egitea, baina beno, guk horrela egin genuen.
Txoferraren izena Shyam da. Oso tipo jatorra, konbertsazioa ematen duena eta bertako kontuak ere oso ondo azaltzen dituena.
Anekdota bezala, lehenengo egunean bere etxera eraman eta bertan bazkaldu genuen. Benetan oso plater goxoak ekarri zizkiguten, bai bere etxekoak eta baita beste etxeetatik ekarritakoak ere. Masala txaia ere oso oso ona zegoen.
Esan beharra dago, txoferrak ingelesez bakarrik hitz egiten duela baina saiatzen da beste hizkuntzak ere ikasten eta galdetzen zizkigun hitz batzuk, noski gehiena erdera interesatzen zitzaion baina nik hitz batzuk euskaraz ere erakutsi nizkion. Oso kuriosoa da nik esaldiak esan eta berak indi idazkeraz nola idazten zituen paperean. Egun batzutan, goizez edo arratsaldez, hor pasa genituen ordu batzuk erderaz nola esaten zen hau eta hura erakutsi eta ikasten.
Gainera kristoren detaileak izan zituen gurekin, alde batetik Jaisalmerretik basamortura joateko dirua ezin genuela atera eta berak aurreratu zigun guk eskatu gabe.
Bestetik berriz, guk esandako hoteletara joaten ginen, bi aldiz berak aukeratutako hoteletara eraman gintuen ikustera, eta batean berak erakutsitakoan gelditu ginen, baina bestean ez zitzaigula gustatu eta inongo problemarik gabe joan ginen beste batera. (Esan beharra dago, Indiako hotel batzutan komisioak ematen dietela, baina besta batzutan berriz lo egiteko tokia eta jatekoa ere bai turistak bertara eramateagatik. Pushkarren adibidez, oso ondo azaldu zigun zein zen bere egoera, gu beti nola zentruan nahi izaten genitun lotarako tokiak, herri hortan lakutikan oso gertu zeon hotel bakarrak ematen omen zion lo egiteko aukera, eta kotxea uzteko aukera bakarra, bestela herritik kanpora joan beharko zuela azaldu zigun. Pushkarreko hotela izan zen berak erakutsitakoetatik gelditu ginen bakarra. Oso hotel dotorea eta oso ondo zegoena, zentruan bertan). Gainontzeko lotarako toki guztiak guk proposatutakoak izan dira eta herrietako zentru-zentruan.
Baita azpimarratzekoa da ez gaitula inongo momentuan denda batera eraman ea zerbait erosi nahi dugun esanez, horretan behintzat oso lasai ibili gara Shyamekin.
Berarekin ibiltzeak izugarrizko lasaitasuna eman digu, bidaian. Planeatutako zerbait aldatu dugunean ez dugu inongo problemarik izan, nbeti prestu azaldu zaigu eta oso toki bitxietatik barrena eraman gaitu, baserritar inguruko herrixka txikietako tabernetara eta tea hartzera berak gu gonbidatuz... gainera oso garbi esaten zuen komonak txarrak zirela eta orduan 'open toilet' erabiltzeko, hau da, baratzetara joatea hobeto zela. Gelditzen ginen tokitan, segituan konturatzen ginen turistak ez zirela bertan gelditzen, segituan azaltzen zen herriko jende gehiago gu ikustera...
Noizbait, norbait animatzen bada Indiako iparraldera bidai bat egitera, eta txoferrarekin ibili nahi izanez gero bere mugikorraren zenbakia eta e-maila hementxe uzten dizkizuet. Berari zuzenean deituz gero pentsatzen dut agentzi bidez baino merkeago aterako dela, hori zuek ikusi beharko duzue.
+919 829 174 875
shayam_0607@yahoo.co.in
Lan handia egin behar izan zuten garaipena lortzeko.Oso partidu luzea eta gogorra jokatu zuten, ordu beteko iraupenarekin.
