Diote diotela bazela behin jostuntxo bat amets-jostunen planetatik etorria.

Eta, bada…. animalitxoek ez hotzik ez berorik izan ez zezaten, eta ederrak

ikus zitezen, jostuntxoak jantzi polit batzuk josi zizkien.

Diote jostuntxoak bere lehen urratsak ametsak josten eman zituela gauez

alaitsu dabiltzan animalitxoentzat: ipurtargiak, katuak, saguzarrak…

Diote, handik gutxira, jostuntxoak ametsak josten jarraitu zuela egunez alaitsu

dabiltzan animalitxoentzat: barraskiloak, ardiak, pinpilipausak.

Eta, diote, izarrek beltz koralez jantzitako gauari abesten

dioten lekutxo batean jostuntxoak amets egin zuela murgildurik zebilela mundu ezberdinen

itsasoan, eta mundu horietako batean ametsak josten zituela bustita eta alaitsu

dabiltzan animalitxoentzat: arraintxoak, itsasbarraskiloak, uhandreak…

Heldu zen egun sentia kolore alai ederrez jantzia.

Eta diote diotela, iratzarri zenean, jostuntxoak ametsak

josten jarraitu zuela, ametsen-mundu ezberdinen

itsasoan flotatzen jarraitu nahi zuenarentzat.

 Argazkiak: La Lores 

Ileapainketa: Sebastien Deffontaines

Estilismoa: Sebastien&kabuki

Ipuanaren egilea: kabuki 

Hitzulpena eta ipuinaren zuzenketak: Oli 

K-jantzien aurkezleak: Naiara, Karmen eta Judith