Zubieta – SOS

Ezker Batua – Berdeak alderdiko buruzagiak konbentzituta daude
auzitegiek geldiaraziko dutela Zubietako errauste planta eraikitzeko
proiektua. Hala adierazi du Mikel Izagirre Urnietako alkate eta EBko
Gipuzkoako batzarkideak. Ohartzen da Izagirre Euskal Herriko Auzitegi
Gorenak ez duela ontzat hartu Donostiako udalak errauste planta
baimentzeko egindako komenioa atzera botatzea, baina kasu honetan
aferaren mamian sartu ez denez, auzitegiek oso bestela jokatuko dutela
uste du errausketak herritarren osasuna kaltetzea aztertuko den
egunean. Iritziok "Diario Vasco"n azaldu dira, "EB afirma que los tribunales paralizarán el proyecto de la planta de Zubieta " dioen albistean.
(gehiago…)

Aurrez iragarri bezala, Gipuzkoako Hondakinen Partzuergoa osatu da.
Lehendakari kargua Carlos Ormazabal EAJkoak hartu du; Gipuzkoako Foru
Aldundian bera da Garapen Iraunkorreko diputatua. Lehendakariordea
Denis Itxaso PSEkoa izango da; hau Donostiako udalean zinegotzia da eta
Ingurumen sailaren arduraduna. Partzuergoak bere ibilbide berriko
estreinako biltzarrean era solemnean berretsi nahi izan du aurreko
legegintzaldian hondakinentzat martxan jarritako planarekin segiko
duela eta Zubietan errauste planta eraikitzeko urratsak emango dituela.
Albistea eman dute "Berria"k ( Carlos Ormazabal eta Denis Itxaso izango dira Partzuergoko buruak ), "Gara"k (El Consorcio de Gipuzkoa da un nuevo paso para construir la incineradora ), "Noticias de Gipuzkoa"k (El Consorcio de Residuos ratifica por amplia mayoría su apuesta por la incineradora ) eta " Diario Vasco"k (El Consorcio ratifica por amplia mayoría construir la incineradora ).
(gehiago…)

Egunkariek iragarri dutenez, gaur zuten antolatzekoa Gipuzkoako
Hondakinen Konsortzioa, bere zuzendaritza organoak aukeratuz.
Gipuzkoako eskualde ezberdinetako mankomunitateek eta Diputazioak
osatzen dute erakundea. Egunkari batzuek aurreratu dute gaur emango
duela Konsortzio sortu berriak Zubietan errauste planta eraikitzeko
lehen urratsa formalki. Albistea honela aurkeztu da gaur prentsan: "Errauste plantaren tramitazioari ekingo dio Hondakinen Partzuergoak gaurtik hasita " (Berria), "El Consorcio de Residuos escenificará hoy el apoyo a la incineradora de Zubieta " (Noticias de Gipuzkoa) eta "El Consorcio de Residuos se constituirá hoy y dará los primeros pasos para construir la incineradora " (Diario Vasco).
(gehiago…)

Luis Maria Oiarbide izan da aurreko legegintzaldian Gipuzkoako Foru
Aldundian ingurumen diputatu, eta bere gidaritzapean erabaki da
errauste planta Zubietan eraikitzea. Diputazioan Eusko Alkartasuna
alderdiaren izenean zeukan kargua utzi duelarik, despedidako
elkarrizketa egin dio "Noticias de Gipuzkoa"k ("San Marcos puede seguir abierto indefinidamente si así lo quiere la Mancomunidad"). Orain Gipuzkoako Batzar Nagusietan dago Oiarbide. Postu berri
honetatik zein izpiriturekin lan egingo duen nabarmen utzi du
elkarrizketan.
(gehiago…)

San Markoseko mankomunitatea kudeatzen duen zuzendaritza berriaren bi
kidek, Ricardo Ortega lehendakariak eta Imanol Azpiroz
lehendakariordeak, esplikatu dute zertan datzan une honetan beren
erraustegiaren egoera, azken egunetan hainbeste hauts harrotu duena.
Bestalde, Gipuzkoako hondakinak kudeatzeko sortutako Kontsortzioaren
balorazioa ere eskaini dute eta salatu dute Diputazioa bultzatzen ari
dela hondakinon kudeaketaren pribatizazioa. Albisteak irakur daitezke
"Berria"n ( San Markosek Gipuzkoako Hondakinen Partzuergoan jarraitzea aztertuko du ),  "Gara"n ( La Mancomunidad apuesta por clausurar San Marcos en breve ), " Diario Vasco "n ( Los nuevos rectores de San Marcos afirman que no está en sus manos cerrar el vertedero ) eta "Noticias de Gipuzkoa"n (San Marcos asegura que sólo se deriva el 20% de los residuos a otros vertederos ).
(gehiago…)

Gipuzkoako bi egunkarik jakinarazi dute lurralde honetako hondakinak
kudeatzen dituzten mankomunitateek beren aginte organoak berritu
dituztela. Informazio horien arabera, Gipuzkoako zortzi
mankomunitateetatik bitan dira nagusi errausketaren kontrakoak
-Donostialdeko San Markosekoan eta Deba Goienekoan- eta gainerako
guztietan -Sasieta-Goierri, Urola Erdia, Urola-Kosta, Deba Barrena eta
Txingudikoak- aldekoak. Tolosaldeko ordezkarien hautaketa blokatuta
dago. Albistea irakur daiteke " Diario Vasco "n ( El Consorcio de Residuos tendrá una amplia mayoría a favor de la incineradora ) eta " Noticias de Gipuzkoa "n ( El Consorcio apoyará la incineradora con el voto mayoritario de las mancomunidades ).
(gehiago…)