Zubieta – SOS

Errausketaren Kontrako Gipuzkoako Plataformen Koordinadorako
ordezkariek adierazi dute lehenbailehen nahi dituztela martxan
Herrialde Katalanetara egin berri duten bidaian zaborra biltzeko
martxan ikusi dituzten sistemak. Bidaian, atez ate hondakinak biltzeko
sistemek nola funtzionatzen duten ikusi dute bertatik bertara. Gidari
izan dituzten arduradun eta eragileek azaldu diete 400.000 biztanlek
sortutako hondakinen %80 tratatzera heldu direla. Albistea osorik
irakur daiteke hemen:  Berrian (Zaborra atez ate biltzen hasteko
eskatu dute errausketaren aurkakoek ), Garan (Exigen la adopción de medidas para impulsar la recogida selectiva ) eta  Noticias de
Gipuzkoan ( La coordinadora antiincineración pide una recogida de basura puerta a puerta ).
(gehiago…)

Berria egunkariak elkarrizketa interesgarria egin dio Jordi Colomer
Kataluniako Porta a Porta erakundeko arduradun teknikoari («Errauste plantak bilketa selektiboaren galga gisa aritu direla ikusi da Kataluniako kasuetan» ). Argitzen
du hiri handietan berdin egin daitekeela hondakinen atez ateko bilketa,
kudeaketa mota hau martxan jarri bezain pronto ikusten dela zaborraren
erreusa laurden batera jaisten, sistema martxan jar daitekeela urte
beteko epean eta erreusarekin zer egin, errausketari ekin ala ez eta
hala izatekotan zein neurriko planta dimensionatu… mila xehetasun
argigarri eskaintzen ditu.
(gehiago…)

San Markoseko zabortegiko usain txarrak agoantatu behar dituzten Beraun
auzoko jendeak haserre daude. Urtarrilaren 3an manifestaldia egin
zuten, Noticias de Gipuzkoak (Vecinos de Beraun increpan al presidente de San Marcos por no tener fecha para cerrar el vertedero ) eta Diario Vascok (Vecinos de Errenteria se volvieron a concentrar para exigir el cierre del vertedero de San Marcos ) informatu bezala. Orereta-Errenteriako Ezker Batua-Berdeak taldeko Ferradas zinegotziak iritzi artikulua plazaratu du (Vertedero de San Marcos: dando la cara
) beranduago gai horretaz eta egunotan Aralar alderdiak eskatu du
Beraungo herritarrei entzun diezaietela Gipuzkoako Batzar nagusietan (Aralar solicita la comparecencia de la plataforma San Marcos ante las Juntas )
(gehiago…)

Gipuzkoako Diputazioak jakinarazi ditu herrialde honetan etxeetako eta
parkeetako hondakinekin egiten den konpostaren datuak. Horrela eman du
ezagutzera  bukatu berri den urtean 2.500 tona konpost lortu
direla  udalek kudeatzen dituzten parke eta lorategietan bildutako
4.745 tona osto, adar eta bestelakoetatik. Gainera, Diputazioaren
kopuruetan, bertako etxe bakarren %13tan egiten dute familiek konposta,
4.539tan. Javier Zarraonaindiak aurrera begirako asmo batzuen berri ere
eman du. Batetik, familia horiek konposta hobedu dezaten Diputazioa
pentsatzen ari da Garbiguneetan parke eta lorategietako gai birrinduak
erabiltzeko ipintzea, konpostgailu pribatua daukatenen eskueran.
Bestetik, herrietan gai organikoak biltzeko boskarren edukiontzia
zabaltzea. Albistea eskaini dute Noticias de Gipuzkoak ("El 13% de las viviendas unifamiliares dispone de un autocompostador para el tratamiento de basura orgánica " ) eta Diario Vascok (" Gipuzkoa obtiene de los residuos verdes 2.500 toneladas de compost para usar en jardinería " ). Beste datu hau ere eman du Diputazioak: etxean konposta egiten duten familiek hondakinen %30 gutxiago jaurtitzen dutela.
(gehiago…)

San Markoseko Mankomunitateko bi buruzagi nagusiak, Ricardo Ortega
eta Imanol Azpiroz, elkarrizketatu ditu Noticias de Gipuzkoa
egunkarian, eta fruitua artikulu honetan publikatu: "Es absurdo dar una fecha para cerrar el vertedero después de que los vecinos han visto que no se cumplen". Arduradunek kazetariari argitu dizkiote hainbat gai garrantzitsu:
atez ateko hondakin bilketa nola egin amo duten, San Markos
Mankomunitatean eta Gipuzkoako Hondakinen Partzuergoan gauzak nola
dauden, San Markoseko zabortegi zaharrarekin zer gertatzen den, eta
abar.
(gehiago…)

Urte hasieran San Markoseko Mankomunitateak antolatutako bidaian
Katalunian etxeetako zaborrak atez ate bildu eta konpostatzeko sistemak
ezagutu eta aztertu dituzte Gipuzkoako hautetsi, teknikari, mugimendu
sozialetako militante eta komunikatzaileek. Hango zenbait herritan
ikusitako esperientziak ikusi eta kontatu dituzte Gipuzkoako hiru
egunkaritan, eta San Markoseko gaurko arduradunek esplikatu dute han
ikusitako sistemetako batzuk berehala jarri nahi dituztela martxan
zenbait herritan, hala nola Usurbilen, Zubietan eta Lasarte-Orian.

Berria "Zaborra gutxitu beharra ate-joka ", Gara "Recogida puerta a puerta en los Països Catalans Los residuos, una cuestión de implicación ", Noticias de Gipuzkoa "San Marcos iniciará la recogida de residuos puerta a puerta en Usurbil, Zubieta y Lasarte-Oria ", "La basura deja de ser anónima "
(gehiago…)