Zubieta – SOS

Ostegunean, urriak 22, hasiko da Hernanin Atez Ateko hondakin bilketa sistema martxan jartzeko parte hartze prozesua. Alkatea buru dela, Sandiusterri gelan egingo da lehenbiziko bilera zabala. Bi hilabetez luzatuko den parte hartze prozesua herritar askok parte hartzeko moduan dago antolatua: lau bilera orokor (plenario) eta beste 16 bilera gehiago, auzo bakoitzean bina. Horrez gain, komertzianteekin eta baserritarrekin bilera bereziak egingo dira. Albistea Hernaniko Kronikak eta Diario Vascok eman dute.
(gehiago…)

Rebelion guneak plazaratu duenez, Plataforma Anti-incineración de Montcada taldeak bidalita, Leongo Ponferradan urriaren 10ean ospatuko da bilkura interesgarri hau: “1. encuentro estatal contra la incineración de residuos en cementeras“. Jakina da porlan-fabrikek gero eta interes handiagoa dutela zaborrak intzineratzeko. Gipuzkoako kasuan, eta juxtu Zubietatik oso hurbil, Rezola zementugileak horixe Añorgan egitea proposatu du, orain dela oso gutxi Berria egunkariak publikatu zuen moduan (ikusi albistea behean). Orain, Leongo Ponferradan bilduko dira Bierzo Aire limpio, Plataforma antiincineración de Toledo eta Plataforma antiincineración de Montcada taldeak, horrela borobiltzeko hilabeteotan elkarren artean egin duten elkarrizketa. Seguru aterako direla han ere informazio interesgarriak guretzako.Hemen doa albistea gaztelaniaz osorik:
(gehiago…)

Usurbilek Atez Ateko bilketa sistema jarri zuenetik, Zubietan intzineradora eraiki nahi duten indarrek ikusi dute nonbait haien argumentazioetan konpostaketarena zela alderdi ahuletakoa, eta gai horretan murgildu dira bete betan, Diputazioan gaiaren arduraduna den Ormazabal jaunarengandik hasita. Onena da azkenean hondakin organikoak konpostatzea modan jarri dutela. Txarrena, konpostatzearen inguruan herritarrari zaildu nahi zaiola gauzak ondo ulertzea. (gehiago…)