Zubieta – SOS

Hernaniko udal ordezkariak atez ateko hondakin bilketa sistemaren lehen emaitzak eskaini dituzte prentsaurrekoan:  lehen hilabetea egin denean, gaika %81,04 jaso dutela jakinarazi dute gaur Marian Beitialarrangoitia alkateak eta Izaskun Txintxurreta Ingurumen batzordeburuak. Atez atekoa hasi aurreko hilean, lehengo sistemarekin, gaika %35,5 jaso zutela esan dute konparazio modura. “Aurreikuspen denak gainditu ditugu eta oso gustura gaude”. Albistean une honetan Gararen gunean “Hernani recicla un 81% en el primer mes de recogida puerta a puerta”, Berriarenean “Hernanin atez atekoaren aurreneko hilean %81 bildu dute gaika, lehen baino askoz gehiago“, Hernaniko Kronikan “«Gure aurreikuspen baikorrenak bete ditugu, %80 baino gehiago birziklatu da lehenengo hilabetean»“, Noticias de Gipuzkoan “Hernani recicla “el 80% de las basuras” en el primer mes del “puerta a puerta” eta Diario Vascon “Hernani recicla un 81% de basura en el primer mes de recogida puerta a puerta” dago.

Jordi Colomer Sanmarko Mankomunitatearen aholkularia Gipuzkoako Merkataritza Ganberan izan zen ekainaren 18an atez ateko hondakin bilketak dituen abantaila ekonomikoen berri ematen. Bilketa eta kudeaketa gastuak eta joera ekonomikoa kontuan hartu zituen, baita sortzen diren lanpostuak eta sailkapena ondo egiteko har daitezkeen neurri fiskalak ere. Horrez gain, errausketari buruz aritu zen. Albistea Garak “Atez ateko sistema hondakinak kudeatzeko erarik merkeena da” eta Berriak “Atez atekoak errefusa gutxitzen eta gaikako bilketa handitzen du, Jordi Colomer teknikariaren hitzetan; emaitza horiekin udalek diru sarrera gehiago eta gastu gutxiago dituztela esan du. Zabor gehiago sortzen duenari, garestiago” eman dute. San Marko Mankomunitateak diaporaman ipini ditu hitzaldiko irudiak (“Ventajas económicas de la Recogida Selectiva Puerta a Puerta“) eta hitzaldiaren mamia: Jordi Colomer: “Hondakin-tasaren hazkunde esponentziala eteteko, premiazkoa da Gipuzkoa osoan atez atekoa ezartzea” euskaraz eta gaztelaniaz Jordi Colomer: “Para frenar esta subida exponencial en la tasa de residuos es urgente aplicar el puerta a puerta en toda Gipuzkoa“. Bi dokumentuak hemen ere ipini ditugu.
(gehiago…)

Jende asko bildu zen atzo, ekainaren 20an, Donostiako Boulevardean Zubietako errauste planta proiektuaren aurkako protestan. Bertan ziren askoren usten, aurreko manifestaldian baino askoz gehiago; Diario Vascoren zifretan 3.000. Garak albisteari ipini dio titulutzat “Exigen una moratoria de seis años para construir la incineradora de Zubieta” eta Diario Vascok “3.000 personas piden una moratoria para la incineradora. Una marcha recorrió ayer las calles céntricas de Donostia para solicitar que el proyecto se retrase seis años“. Noticias de Gipuzkoak eman dio lerrorik urrien: “Una manifestación recorre el centro de Donostia pidiendo una moratoria para la incineradora“.  Zubietatar talde batek “ZUBIETA SOS” zioen pankarta zabaldu zuen… eta estimatu diegu keinua.

Gipuzkoatik ordezkaritza zabala joan da Italiako iparraldera bost eguneko bisita egitera, han Atez Ateko Bilketa sistemak nola funtzionatzen duen ezagutzera. San Marko mankomunitateko ordezkariak, Donostia, Errenteria, Hernani, Oiartzun, Pasaia, Urnieta, Usurbil eta beste herri batzuetako zinegotziak, AAB martxan dagoen herrietako Jarraipen Batzordeetako kideak eta herri komunikabide batzuk joan dira. Hernaniko Kronikak egingo dio jarraipena bidaiari, hona lehen artikulua: “Italian, Gipuzkoako ordezkaritza. Albairateko konpostaje planta, 30 tonelada organiko, egunean“; ekainaren 19an 8 orriko gehigarria eskaini dio titulu hauekin: “Italia iparraldera `espedizioa´: Atez ateko historikoak ezagutzera“, “Dogliani eta Chieri, bi herri, borroka bat“, “Roberto Cavallo: Atez Atekoa martxan jartzeko oztopo haundienak interes politiko eta ekonomikoak dira, ez herritarrak»“, “E.r.i.c.a. Kooperatiba. Herritarren inplikazioa oso inportantea da`” eta “San Damiano d’Asti. 3 hilabetetan organikoa konpost bihurtzen duen planta“. Garak bi artikulu eman dizkio gaiari: “Atez ateko sistema garatzeko asmoz, Italian ibili dira Gipuzkoako udal ordezkariak” eta “Italian atez atekoa 18 milioik egiten badute, Gipuzkoa osoan aise ezar daitekeela argi dago“. Usurbilgo Noaua astekariak hiru erreportaje (PDF): “Italiarrak aitzindari Atez Ateko bilketan“, “Italiatik ekarritako hainbat ondorio” eta “Gaikako bilketa Italian, legez derrigorrezkoa da“. Lasarteko Txintxarrik (PDF): “Atez Ateko jaioterrira bisita“. Diario Vascok Usurbilgo orrian “Herriko ordezkaritza bat Italian izan da bertako atez ateko sistema ezagutzen“. Hernanin Zero Zabor blog sozialean kide batek egin du bisitaren kontakizuna: “Italian hondakinez ikasten“. Berria egunkariak igandeko gehigarrian 5 orri eskaini dizkio baina ze daude Interneten ikusgai.

Ekainaren 20an, igandez, eguerdiko 12etan hasita manifestazioa egingo da Donostian Zubietan Errauste Planta eraikitzearen kontra eta Atez Ateko Bilketa zabaltzearen alde. Errausketaren Aurkako Herri Plataformen Koordinakundeak deialdia izendatu du “Osasunaren alde, Errausketarik ez!… y basta de juegos“. Usurbilgo Itunak atera duen afitxak dio “Osasunaren alde (Moratoria) Erraustegirik ez“. Albistea Berriak eman du “Zero Zabor xedea zabaltzeko aliantza sortzeko dei egin die Usurbilgo Itunak gipuzkoarrei” titulatu du, Garak ” «Erraustegi toxikoaren» kontrako manifestaldia Donostian, hilaren 20an” eta Diario Vascok “Manifestación el día 20 contra la incineradora“.

Greenpeace erakundean Espainia mailan hondakin eta kutsaduren arduraduna den Julio Barea Hernanin izana da, bertan martxan den Atez Ateko Bilketa ezagutu eta herritarrei bezala udalari sostengua adierazteko. Hernaniko Kronikak eman du albistea (Julio Barea: «Hernani lehenengo bagoian jarri da zaborrak kudeatzen, Kataluniaren parean») eta Barearen deklarazioa ikus daiteke YouTuben ipinitako bideo honetan: “Greenpeace con el Puerta a Puerta de Hernani“. Aurretik Barea Usurbilen izana zen, duela pare Juantxo Lopez de Uralderekin batera.